Փետրվարի 13-ին դժբախտ դեպք է տեղի ունեցել Կոտայքի մարզում: 2-ամյա աղջիկն ընկել է տան երկրորդ հարկից ու մեկ օր անց մահացել:
Այս մասին Asekose.am-ին փոխանցեցին Երևանի Սուրբ Աստվածամայր բժշկական կենտրոնից, որտեղ երեխան տեղափոխվել է ընկնելուց հետո: Երեխան որևէ վիրահատության չի ենթարկվել:
Պարզ է դարձել, որ երեխան քնած է եղել տան երկրորդ հարկում գտնվող սենյակում: Երբ արթնացել է, վեր է կացել, քայլել դեպի աստիճաններն ու ընկել երկրորդ հարկից: Ընտանիքի անդամները նրան գտել են առաջին հարկի հատակին ընկած, ծանր վիճակում տեղափոխել հիվանդանոց: