«Ես կողմ եմ, որ Ամուլսարը շահագործվի»,- այսօր՝ «Իմ քայլը» խմբակցության նիստից առաջ լրագրողների հետ զրույցում հայտարարեց պատգամավոր Հայկ Գևորգյանը:
Նա հավելեց, որ կողմ է հանքի շահագործմանը՝ առանց նոր փորձաքննության:
Նշենք, որ Ամուլսարի հանքի շահագործման վերաբերյալ «Իմ քայլի» պատգամավորները բաժանվել են 3 խմբի՝ կողմ, դեմ և հնարավորինս չեզոքություն պահողներ:
Վարազդատ Կարապետյանը, Մերի Գալստյանը և Միքայել Զոլյանն, օրինակ, դեմ են հանքի շահագործմանը: Համեմատաբար չեզոք են Լենա Նազարյանը, Գայանե Աբրահամյանը, Սոֆյա Հովսեփյանը, Վահագն Թևոսյանը, Էդգար Առաքելյանը, ովքեր որոշակի մտահոգություններ ունեն: Հանքի շահագործմանը կողմ են Մաթևոս Ասատրյանը, Հովիկ Աղազարյանը և այլք:
