Դեկտեմբերի 26-ին գումարված Երևանի ավագանու հերթական նիստում ավագանու անդամները հավանություն են տվել Երևանի ենթակայության մանկապարտեզի ծառայությունից օգտվողների համար 2018թ. սահմանված տեղական վճարի դրույքաչափի նկատմամբ արտոնություններ կիրառելու որոշման նախագծին:
Ըստ այդմ, տեղական վճարի նկատմամբ կկիրառվի զրոյական դրույքաչափ, եթե երեխայի օրինական ներկայացուցիչներից մեկը մշտապես կամ փաստացի հաշվառված է Երևան քաղաքում, ծնողը ազատամարտիկ է և (կամ) զոհված ազատամարտիկի ընտանիքի անդամ է, օրինական ներկայացուցիչներից մեկը ՀՀ զինված ուժերում պարտադիր ժամկետային, պայմանագրային և այլ զորքերում պայմանագրային զինվորական ծառայություն է իրականացնում, Երևան քաղաքում զոհված զինծառայողի կամ երկկողմանի ծնողազուրկ երեխա է:
Սույն որոշումը տարածվում է նաև սիրիահայ ընտանիքների երեխաների վրա:
