Նյու Յորքում ԱՄՆ նորընտիր նախագահ Դոնալդ Թրամփի դեմ բողոքի ակցիա է անցկացվել, որին մասնակցել են հազարավոր մարդիկ:

Շարքային քաղաքացիներից զատ մասնակցել են նաև քաղաքապետ Բիլ դե Բլազիոն, հոլիվուդյան դերասաններ Ռոբերտ դե Նիրոն, Մարկ Ռուֆալոն, Ալեք Բոլդուինը, երգչուհի Շերը:

Իր ելույթի ժամանակ Ռոբերտ դե Նիրոն նշել է, որ Թրամփը «վատ օրինակ է այս երկրի համար»: Մինչդեռ Շերը Թրամփին «ահավոր ինքնասիրահարված» մարդ է անվանել:

Հիշեցնենք, որ այսօր Վաշինգտոնում կայանալու է Թրամփի երդմնակալության հանդիսավոր արարողությունը: