Hraparak.am-ը գրում է.
Լուսանկարում Մերուժան Ստեփանյանի մայրն է, ով այսօր եկել էր «Մուրացանի» զինվորական հոսպիտալ: Որդու մահվան լուրը հաստատել են Թալիշի զորամասում, որտեղ որ ծառայում էր տղան: Մինչ երիտասարդ տղայի ծնողները հոսպիտալի մոտ սպասում էին, որ իրենց ներս թողնեն, զանգահարում էր երիտասարդի նշանածը, ով լուրերի էր սպասում... չգիտեին ինչ պատասխանել: Շփման գծում ադրբեջանցիների արձակած կրակոցների հետևանքով զոհված Մերուժան Ստեփանյանը պայմանագրային զինծառայող էր:
Առավել մանրամասն` սկզբնաղբյուր կայքում
Հիշեցնենք, որ ապրիլի 3-ի լույս 4-ի գիշերը ղարաբաղա-ադրբեջանական հակամարտ զորքերի շփման գծի ողջ երկայնքով հակառակորդը ականանետերից ու հրանոթներից շարունակել է արկակոծել ՊԲ առաջնային դիրքերն ու մերձակա հայկական բնակավայրերը:
Հավելենք,որ ղարաբաղյան ուժերը, հակառակորդին պատճառելով զգալի կենդանի ուժի եւ զինտեխնիկայի կորուստներ, մարտագծի հյուսիսարեւելյան եւ հարավարեւելյան ուղղություններով նախաձեռնությունը վերցրել են իրենց ձեռքը: Ռազմական գործողությունների ընթացքում հակառակորդը հյուսիսարեւելյան ուղղությամբ կորցրել է 3 տանկ, իսկ հարավարեւելյան ուղղությամբ՝ 2 տանկ:
Նշենք նաև, որ ՀՀ պաշտպանության նախարարի մամուլի խոսնակ Արծրուն Հովհաննիսյանն այսօր հրապարակել է զոհված զինծառայողների լուսանկարները և անունները:
