ՀՀ վարչապետը քվեարկելու է Շենգավիթ վարչական շրջանի 8/16 ընտրատեղամասում։ Վաղ առավոտից անվտանգության աշխատակիցների, ոստիկանության ուժերի կողմից հսկողություն է իրականացվում տարածքում։ Երևանում այսօր ավագանու ընտրություններ են: |
ՀՀ կենտրոնական ընտրական հանձնաժողովի նախագահ Վահագն Հովակիմյանն ասուլիսի ժամանակ հայտնեց, որ Երևանի ավագանու 08։00-ին մեկնարկած քվեարկությունն ընթանում է հանդարտ, բնականոն։ Նա տեղեկացրեց, որ երեք ժամյա պարբերականությամբ տվյալներ կհայտնեն մասնակցության վերաբերյալ։
Թարմացված․Առավոտյան՝ ժամը 8.00-ին, ՀՀ ընտրական օրենսգրքով սահմանված կարգով բացվել են ընտրությունների համար ձևավորված բոլոր 475 ընտրական տեղամասերը և ընդունել առաջին ընտրողներին: Ընտրողների էլեկտրոնային գրանցման նպատակով օգտագործվում է 1362 տեխնիկական սարքավորում: Ընտրությունները դիտարկելու նպատակով հավատարմագրվել են «Ականատես», «Անկախ դիտորդ» և «Հայաքվե» համատեղ դիտորդական առաքելությունները։ Ընտրությունների և քվեարկության վերաբերյալ լուսաբանում իրականացնելու համար հավատարմագրվել են 40 տեղական զանգվածային լրատվության միջոցներ: Ընտրությունները դիտարկելու համար հավատարմագրվել է նաև 2 միջազգային դիտորդական առաքելություն և 3 օտարերկրյա ԶԼՄ։ Երևան համայնքի ընտրողների թիվը 824250 է։
|