«Foreign Policy» ամսագիրը Ռուսաստանի նախագահ Վլադիմիր Պուտինին ներառել է 100 գլխավոր համաշխարհային մտածողների ցանկում: Այս մասին հաղորդում է Lenta.ru-ն:
Ռուսաստանի նախագահին այդ ցանկում ներառելու պատճառ են նշվել Սիրիայում ավիահարվածները: Նրա անվանակարգում նշված է. «Խաղաղապահի դերի համար, որն արտահայտվել է ռմբակոծություններով»:
ՌԴ նախագահը ներառվել է այն անձանց ցանկում, որոնք «որոշում են կայացնում»: Այդ ցանկում ներառվել են նաև Սաուդյան Արաբիայի պաշտպանության նախարարը, Հունաստանի ֆինանսների նախկին նախարարը, Գերմանիայի կանցլերը, Մավրիկիայի նախագահը, Բանգլադեշի վարչապետը, ինչպես նաև երկու միջազգային խմբեր, որոնք աշխատում են ամերիկա-իրանական և ամերիկա-կուբայական համաձայնագրերի վրա:
