ԱԻՄ առաջնորդ Պարույր Հայրիկյանը, տեսաուղերձի միջոցով, քաղբանտարկյալների հարցով դիմել է Հայաստանի վարչապետ Նիկոլ Փաշինյանին՝ իր խոսքում, մասնավորապես, ասելով. «Քո հեղափոխությունը գուցե հեղափոխություն չէ, կամ էլ լավ չես պատկերացնում իրավիճակը»:
Նշենք, որ, օրեր առաջ, խոսելով դատական համակարգի մասին, Նիկոլ Փաշինյանը, մասնավորապես, ասել էր. «ՀՀ-ում որևէ մեկը իրավունք չունի դատական գործերին միջամտել, որևէ մեկն իրավունք չունի որևէ կերպով ապօրինի ներազդեցություն գործել որևէ դատավորի վրա և դատավորն ինքն իրավունք չունի կաշառքով կամ ՝ սուբյեկտիվ դատավճիռ կայացնել»,-նշել է Վարչապետ Նիկոլ Փաշինյանն ու ավելացրել է ՝ Բաղրամյան 26-ից դատավորներին ուղղված հրահանգներ չեն լինելու:
Հիշեցնենք, որ Պարույր Հայրիկյանը ինչ-որ պահի միացել էր «Քաղաքացիական պայմանագիր» կուսակցության «Իմ քայլը» նախաձեռնությանն քայլարշավին:
Հիշեցնենք նաև, որ այսօր տեղեկություն է տարածվել, որ Կենտրոն եւ Նորք-Մարաշ վարչական շրջանների ընդհանուր իրավասության դատարանի դիմաց օդամղիչ ատրճանակից կրակոցներ արձակած եւ 9 տարվա ազատազրկման դատապարտված Հայկ Կյուրեղյանը վաղն ազատ կարձակվի:
