1in.am-ը գրում է. «Ռուսաստանն ինձ համար միայն դաշնակից պետություն է»,- մեզ հետ զրույցում նշեց ՀՀԿ խմբակցության ղեկավար Վահրամ Բաղդասարյանը՝ անդրադառնալով «Ազատություն» ռադիոկայանին տված Ռոբերտ Քոչարյանի հարցազրույցին, որտեղ վերջինս նշել էր, որ Ռուսաստանն իր համար ավելին է, քան պետությունը:
Վահրամ Բաղդասարյանը նշեց, որ չի ցանկանում իր երկրի կարկառուն դեմքերի խոսքերը մեկնաբանել: Նա նաև հավելեց, որ Ռ. Քոչարյանը քաղաքականության մեջ է. «Քաղաքականության մեջ կարելի լինել նաև առանց պաշտոնի, կուսակցական աշխատանք իրականացնել»:
