Հայաստանի վարչապետ Նիկոլ Փաշինյանի մոտ այսօր կայացել է խորհրդակցություն՝ նվիրված շինարարության ոլորտին:
«Շինարարության ոլորտում մենք շատ լուրջ ծրագրեր ունենք. հիպոթեքային վարկավորման ոլորտում շատ լուրջ ակտիվություն է նկատվում և դա ենթադրում է, որ իր հետևից պետք է բերի որոշակի աշխուժություն նաև շինարարության ոլորտում: Բացի սրանից մենք շատ լուրջ ծրագրեր ունենք՝ կապված Հայաստանում ջրամբարաշինարության ակտիվացման հետ, որովհետև, կարծում եմ, դա նաև ռազմավարական ուղղություններից մեկն է զարգացման , և մենք պետք է կարողանանք ջրային լրջագույն ռեսուրսներ կուտակել մեր կայուն զարգացումն ապահովելու, ինչպես նաև՝ Սևանին, ի վերջո, հանգիստ թողնելու համար:
Իհարկե, նաև ճանապարհաշինության ոլորտում մենք շատ լուրջ ծրագրեր ունենք, որովհետև ենթակառուցվածքի այն մակարդակը, որ մենք այսօր ունենք Հայաստանի Հանրապետությունում, մտահոգվելու տեղիք է տալիս և մենք խնդիր ունենք այդ ենթակառուցվածքների՝ ավտոճաապարհների մակարդակն ու որակն էականորեն բարձրացնել և հույս ունեմ , որ այսօր մենք կքնարկենք այն բոլոր խնդիրները , որ կան շինարարության ոլորտում, որպեսզի այս բոլոր ուղղություներով մենք հետագա աշխատանքի համադրության և սինխորնիզացման խնդիրը լուծենք »,-նշել է Նիկոլ Փաշինյանն իր խոսքում:
