«Երկիր Ծիրանի» կուսակցության նախագահ Զարուհի Փոստանջյանը 2018 թվականի ապրիլի 29-ին նորանշանակ ՀՀ ԱԱԾ տնօրենին և ՀՀ ոստիկանապետին, ՀՀ գլխավոր դատախազին, ՀՀ հատուկ քննչական ծառայության պետին հաղորդում է ներկայացրել հանցագործության մասին՝ Արմեն Սարգսյանի կողմից պաշտոնական կեղծիքի միջոցով իշխանության յուրացման (ՀՀ նախագահի պաշտոնը զբաղեցնելու), դիվերսիայի և վնասարարության միջոցով «Lydian» ընկերության կողմից՝ Ամուլսարի հանքավայրի շահագործումը իրականացնելու վերաբերյալ:
Ներկայացված հանցագործության մասին հաղորդումը ներառում է Արմեն Սարգսյանի կողմից հայտարարված իրականությանը չհամապատասխանող մի շարք հայտարարությունների վերաբերյալ հակառակ ապացույցներին, որոնցով հիմնավորվում է նրա կողմից քրեորեն հետապնդելի արարքներ կատարելը:
Մասնավորապես՝
- նրա կողմից Միացյալ Թագավորության իր քաղաքացիությունից հրաժարվելու հետ կապված կասկածների վերաբերյալ, առ այն, որ նա չի բավարարում վերջին վեց տարում միայն Հայաստանի Հանրապետության քաղաքացի լինելու սահմանադրական պահանջին,
- «Lydian» ընկերությունում նրա կողմից զբաղեցրած պաշտոն և լիազորություններ ունենալու վերաբերյալ, առ այն, որ նա հանդիսացել է լայն լիազորություններով և իրավասություններով տնօրեն, ով ունեցել է «Lydian» ընկերությունում բաժնետերերի ժողովում որոշում կայացնելու իրավունք:
Հաղորդումը հանցագործության մասին պարունակում է նաև Արմեն Սարգսյանի կողմից միջազգային օլիգարխիայի ներկայացուցիչների հետ սերտ կապերի մասին ապացույցներ և կասկածներ խորհրդային ԿԳԲ-ի կողմից՝ որպես գործակալ հավաքագրված լինելու վերաբերյալ:
«Երկիր Ծիրանի» կուսակցության լրատվական ծառայություն
23 մայիսի 2018 , Երևան
Տեսանյութը՝ Զարուհի Փոստանջյանի ֆեյսբուքյան էջից
Կարդացեք նաև՝
Նոր կադրեր նախագահ Արմեն Սարգսյանի պարից, նոր մանրամասներ ՝«Ամուլսար»-ից
