Ամերիկայի Միացյալ Նահանգների Գլենդել քաղաքում ՝ սույն թվականի հոկտեմբերի սկզբին, տեղի ունեցավ Օրրանի ամենամյա 11-րդ բարեգործական ընթրիքը, որի նպատակն էր դրամական միջոցներ հայթայթել՝ 275 կարիքավոր երեխաների և 80 միայնակ տարեցների կարիքները հոգալու համար:
Ընթրիքի ավանդական մաս կազմող բարեգործական աճուրդի բազմաթիվ նմուշների շարքում էր հանրահայտ System of a Down ռոք խնբի անդամ Ջոն Դոլմայանի ձեռքի աշխատանքը՝ նկար հարվածային ափսեի վրա, որը վաճառվեց 8500 ԱՄՆ դոլարով: Բացի այդ, Ջոնը մեծ գումարով ձեռք է բերել Օրրանի երեխաների ձեռքի աշխատանքը:
Ընթրիքին ներկա գտնվեցին նաև աշխարհահռչակ ռոք երաժիշտ Սերժ Թանկյանը և դերասանուհի Անժելա Սարաֆյանը, որոնք իրենց ուղերձի խոսքով կոչ արեցին ներկաներին օգնության ձեռք մեկնել կարիքի մեջ հայտնված հայրենակիցներին:
