Արդեն տեղեկացրել ենք, որ վարչապես Նիկոլ Փաշինյանը ֆեյսբուքյան իր էջում լուսանկար էր հրապարակել և դրան կից գրել իր և 10-ամյա Անգելիկայի հանդիպման մասին:
«Քիչ առաջ հյուրընկալեցի 10-ամյա Անգելիկա Դերզյանին
Պատմությունը հետեւյալն է. մի տասն օր առաջ հեռախոսիս զանգ եկավ, վերցրեցի, ասում է՝ բարեւ ձեզ, վարչապե՞տն է խոսում: Ասացի այո: Ասում է՝ ես 10-ամյա Անգելիկան եմ, ուզում եմ ձեզ հետ հանդիպել:
Ասացի, որ հարմար պահի ետ կզանգեմ եւ կհրավիրեմ: Այսօր մեր հանդիպումը կայացավ: Անգելիկան ինձ համար իր նկարած երկու նկար էր բերել, խաչ ու աղոթագիրք:Իսկ ինձնից միայն մի խնդրանք ուներ. որ մեր զինվորները սոված չմնան, առողջ լինեն եւ առողջ տուն վերադառնան: Ես ասացի, որ ամեն ինչ կանեմ, որ հենց այդպես էլ լինի»,-գրել էր վարչապետը ֆեյսբուքյան իր էջում:
Կառավարության լրատվական ծառայությունն այսօր տարածել է վարչապետի և 10-ամյա աղջնակի հանդիպման տեսանյութը, որը ներկայացնում ենք Ձեր ուշադրությանը:
