«Իմ քայլի» պատգամավոր Սասուն Միքայելյանը ներողություն է խնդրում Արփինե Հովհաննիսյանից։
Այս մասին Սասուն Միքայելյանն ասել է այսօր ԱԺ-ում լրագրողներին, ովքեր մեկնաբանություն են խնդրել Անդրանիկ Քոչարյանի պահվածքի վերաբերյալ։
Ըստ Սասուն Միքայելյանի՝ եթե Անդրանիկ Քոչարյանը նման բան է ասել, ինքն իր փոխարեն ներողություն է խնդրում Արփինե Հովհաննիսյանից։
Նաև հավելել է, որ Անդրանիկ Քոչարյանն իր ընկերն է։
Հիշեցնենք, որ Անդրանիկ Քոչարյանը չի պատրաստվում ներողություն խնդրել:
«Անհայտ նշանակում է՝ հասարակությանը ոչ հայտնի: Չեմ պատրաստվում ներողություն խնդրել: Եթե Հովհաննիսյանի ընտանիքի անդամները նեղացել են, թույլ տվեք նրանք այդպիսի առաջարկով հանդես գան: Եթե վիրավորել եմ իր հայրիկին, պատրաստ եմ հանդիպել ու քննարկել խնդիրը»,-ասել է Անդրանիկ Քոչարյանը:
