Արդեն տեղեկացրել ենք, որ կիրակի, Air Armenia ընկերության ծեծի ենթարկված սեփականատեր Արսեն Ավետիսյանի կինը բաց նամակով դիմել է Սերժ Սարգսյանին:
Հայաստանի վարչապետ Հովիկ Աբրահամյանն, այսօր, անդրադառնալով Ֆուտբոլի ֆեդերացիայի նախագահ Ռուբեն Հայրապետյանի թիկնապահների կողմից Air Armenia-ի սեփականատեր Արսեն Ավետիսյանին ծեծի ենթարկելու մասին հարցին, լրագրողներին ասել է, որնախագահը տեղյակ է Air Armenia ընկերության սեփականատիրոջ հետ կապված միջադեպի մասին: Վարչապետը նաև նշել է, որ համապատասխան մարմինները հետեւողական են լինելու, որպեսզի հարցը լուծվի օրենքի շրջանակում:
Հովիկ Աբրահամյանն այս մասին խոսել է օգոստոսի 17-ին՝ «Բազե 2015» համահայկական երիտասարդական հավաքի օրը:
Վարչապետը նաև նշել է. «Այդպիսի բոլոր խոսակցություններին, որոնք համապատասխանում են իրականությանը, ես բացասաբար են վերաբերվում: Այդ հարցը պետք է լուծվի իրավական դաշտում, օրենքին համապատասխան: Ես դատապարտում եմ այդպիսի վարքը՝ անկախ այն հանգամանքից, թե ով է այն ցուցաբերում, եթե անգամ իմ մերձավորը»:
