Հայաստանում ոչ բոլորն են հիացած լինելու Հավաքական անվտանգության պայմանագրի կազմակերպության (ՀԱՊԿ) վերաբերյալ վարչապետ Նիկոլ Փաշինյանի հայտարարություններով, ասել է ՌԴ Դաշնային խորհրդի միջազգային հարաբերությունների հանձնաժողովի փոխնախագահ Անդրեյ Կլիմովը։ Այսպես է Lenta.ru-ի հետ զրույցում սենատորն արձագանքել Հայաստանի և ՀԱՊԿ հարաբերություններում անդառնալիության կետի մասին Հայաստանի վարչապետի խոսքերին։
«Հայաստանն ինքնիշխան պետություն է: Ուրիշ բան, թե որքանով կարող է այս երկրի վարչապետը հայկական պետության անունից հայտարարել նման ճակատագրական որոշումներ, ես չգիտեմ։ Որքանով նա դա անելու բարոյական և այլ իրավունք ունի՝ ես չգիտեմ։ Բայց ամեն դեպքում, կարծում եմ, որ Հայաստանում ոչ բոլորն են հիացած նման հայտարարություններով»,- ասել է Կլիմովը։
«Դժվար ժամանակներ են, բայց դեռ ավելի լավ է հիմնվել հարեւանների հետ լավ հարաբերությունների վրա, քան հեռավոր երկրներից ինչ–որ միրաժների։ Բայց, կրկնում եմ, այս հարցը սահմանադրական ընթացակարգերի շրջանակներում պետք է որոշեն հենց հայերը»,– հավելել է նա։
