Քաղաքաշինության կոմիտեի նախագահ Վահագն Վերմիշյանին ենթադրյալ կաշառք տված անձը Քննչական կոմիտեի Երևանի քննչական վարչության նախկին պետ Ջոն Ֆարխոյանն է:
«Հայկական ժամանակ»-ի հարցին ի պատասխան՝ Ազգային անվտանգության մամուլի կենտրոնից տեղեկացրել են, որ Ֆարխոյանին մեղադրանք է առաջադրվել ՀՀ քրեական օրենսգրքի 312-րդ հոդվածի 3-րդ մասի 1-ին կետով (առանձնապես խոշոր չափի կաշառք տալը):
Դատարանը բավարարել է նրան կալանավորելու միջնորդությունը՝ միաժամանակ թույլատրելի համարելով գրավի կիրառումը՝ նա ազատ է արձակվել 5 միլիոն դրամի դիմաց:
Հիշեցնենք, որ Ջոն Ֆարխոյանը Քննչական կոմիտեի Երևանի քննչական վարչության նախկին պետի պաշտոնից ազատվել է այս տարվա հունվարի 22-ին:
Վահագն Վերմիշյանին մեղադրանք է առաջադրվել առանձնապես խոշոր չափերի կաշառք ստանալու համար: Նրա նկատմամբ որպես խափանման միջոց է ընտրվել կալանավորումը:
