Փրկարար ծառայությունը մայիսի 23-ին, ժամը 20.08-ին տեղեկություն է ստացել, որ Արարատի մարզի Վեդի գետի Գոռավան գյուղի մոտակայքի կամրջից երիտասարդ աղջիկը (մոտ 20 տարեկան) իրեն ցած է նետել, գտնվում է գետում. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
ԱԻՆ լրատվական ծառայությունից հայտնում են, թե մինչ փրկարարների կանչի վայր հասնելը՝ ոստիկանության Վեդիի բաժնի աշխատակիցները գետից անվնաս դուրս են բերել 1992 թ. ծնված Ա. Վ.-ին. վերջինս հոսպիտալացվել է «Նուբարաշեն» հոգեբուժական կլինիկա:
