aroxj.am-ը գրում է.Ծանր աշխատանքային օրվանից հետո երբեմն այնքան հոգնած եք լինում, որ նույնիսկ նստած տեղից շարժվելը բարդ գործ է դառնում: Դա ունի իր բացատրությունը: Մենք բոլորս՝ բացառությամբ պրոֆեսիոնալ մարզիկների ու մի քանի այլ մասնագիտության տեր մարդկանց, չենք կատարում ծանր ֆիզիկական աշխատանք: Ամբողջը օրը նստած կամ կանգնած ենք, քիչ ենք շարժվում: Դրա արդյունքում մեր մկանները թուլանում են, չեն ստանում անհրաժեշտ ծանրաբեռնվածությունը՝ մկանային տոնուսը իջնում է: Եթե ցանկանում եք, որպեսզի ծանր աշխատանքային օրվանից հետո ձեզ մոտ բացվի այսպես կոչված «երկրորդ շնչառությունը», դուք ձեզ զգաք թարմացած, բարձր տրամադրություն ունենաք ու պատրաստ լինեք մի լավ երեկո անցկացնել ընկերների կամ հարազատների շրջապատում, ապա ձեզ հարկավոր է ընդամենը 5 րոպե՝ կատարելու 5 վարժություն: Որից հետո ձեզ կզգաք, այքան թարմ, որքան առավոտյան աշխատանքի գնալիս էիք:
Ձեռքերի ու ուսերի մկանների համար
1. Ոտքերը դրեք ուսերի լայնությամբ, փորը հետ քաշեք և շունչը պահեք
2. Ձեռքերը բարձրացրեք կրծքավանդակի բարձրության և խաչեք մատները՝ ձեռքերով ստեղծելով կիսաշրջան
3. Այնուհետև մատների ծայրերը սեղմեք իրար որքան ուժ ունեք
4. Կլորացրեք մեքջի վերևի հատվածը և այդպես սեղմեք 10 վայրկյան ու թուլացրեք ձեզ
Փորի և կոնքերի մկանների համար
1. Նստեք հատակին և ծալեք ծնկները
2. Շնչեք և արտաշնչեք 3 անգամ ու պահեք շունչը
3. Թեքվեք դեպի աջ կոնք ու բարձրացրեք աջ ձեռքը դեպի վերև իսկ ձախով հենվեք հատակին
4. Թեքումներ արեք դեպի ձախ, 12 վայրկյան, այնուհետև նույնը կրկնեք ձախ կոնքի ուղղությամբ
Մեջքի մկանների համար
1. Պառկեք մեջքի վրա, շնչեք ու արտաշնչեք մի քանի անգամ ու շունչը պահեք
2. Ոտնաթաթի հետևի հատվածը կպցրեք հատակին ու մի փոքր ծալեք ծնկները
3. Գլուխն ու ուսերը պոկեք հատակից, իսկ ձեռքերը բարձրացրեք ոտքերի հավասար
4. Ձգվեք դեպի կոնքերը 10 վայրկյան, թուլացրեք ձեզ
Ոտքերի մկանների համար
1. Նստեք հատակին և ոտքերը բացեք դեպի կողք, որքան կարող եք
2. Ձգվեք դեպի ոտնաթաթերը և փորձեք դրանք քաշել դեպի ձեզ
3. Մարմնով թեքվեք դեպի առաջ՝ ձեռքերը պահելով ձեր առջևում
4. Առաջ թեքումներ կատարեք 10-12 վայրկյան
Ընդհանուր ձգում-թուլացում
1. Նստեք հատակին, ոտքերը ծալեք լոտոսի դիքրի նման
2. Այդ դիրքում ձախը ձեռքը դրեք հետ, իսկ աջով գրկեք ձեր ձախ կոնքը
3. Նույն դիրքում, աջ ձեռքը դրեք ձախ ծնկի վրա ու թեքվեք դեպի ետ ձախ կողմով
4. Կրկնեք նույն հակառակ ուղղությամբ
