Ադրբեջանի գլխավոր ընդդիմադիր կուսակցության առաջնորդ Ալի Քերիմլին անդրադարձել է ղարաբաղյան ճակատում վերջին օրերին ադրբեջանական բանակի ձախողված ռազմական գործողություններին և հանդես է եկել երկրի ղեկավարի ուղղված քննադատական հայտարարությամբ:
Նա իր ֆեյսբուքյան էջում մասնավորապես նշել է. «Այլևս չասեք՝ եթե պետք լինի Ղարաբաղը կվերցնենք: Բա ինչու՞ չկարողացաք վերցնել: Եթե խոսում եք բանակի բարձր պատրաստվածության, անկախ կրոնական, էթնիկ տարբերություններից հասարակության միասնականության, աշխարհի, հարեւանների, հատկապես` Թուրքիայի բարձր մակարդակի աջակցության, հակառակորդի դժվար վիճակում եւ խուճապի մեջ լինելու մասին, ապա ինչու՞ չկարողացաք կատարել ձեր «պետք լինին»: Խնդրում եմ, այլեւս «Պետք լինի…» տեսակի արտահայտություններ մի արեք, դա լուրջ չի ընդունվելու»:
