«Ռուսաստանը վերահսկում է ՀՀ բոլոր ենթակառուցվածքները:Այդ երկրի ազդեցությունն ու հսկողությունը մեր տնտեսության վրա այնքան է, որ մեզ արգելափակում է՝ այլընտրանքային գործընկերներ ունենալու հարցում: Բայց այսօր ՌԴ-ն սնանկացման եզրին է, իսկ պտուղներն այսօր տեսնում ենք ՀՀ-ում.աղքատության, գործազրկության աճ, սոցիալական բևեռացում և այլն: Այս իրավիճակը հնարավոր է հաղթահարել միայն համակարգային փոփոխությամբ, կախվածությունից դուրս գալով»,-լրագրողների հետ հանդիպման ժամանակ ասաց տնտեսագետ Աշոտ Եղիազարյանը՝ հավելելով.
«Խորհրդարան է անցել 4 ուժ, որոնցից միայն «Ելք»-ն ունի եվրոպամետ ընկալում: Բայց ի՞նչ է նա առաջարկում: Միայն ասում է՝ ԵՄ-ի հետ կնքել ազատ, համապարփակ ու խորը առևտրի համաձայնագիր, բայց չի ասում, թե ինչպե՞ս: Դա կնքելու համար պետք է դուրս գալ ԵՏՄ-ից: Իսկ, եթե դա չես ասում՝ նշանակում է, որ աշխատում ես ժամանակ ձգել, սպասել, որ ԵՏՄ-ն փլուզվի: Իսկ նման հաշվարկը ոչ միայն անհավանական, այլ վտանգավոր է»,-ընդգծեց տնտեսագետը:
Անի Կարապետյան