Տեղեկացրել էինք, որ Երևանի Ազատության հրապարակում լարված իրավիճակ էչ: Բախումներ են տեղի ունեցել ոստիկանների և ցուցարարների միջև:
Galatv.am-ն այս առումով գրում է, Երեւանում՝ Ազատության հրապարակի տարածքից տասնյակ քաղաքացիների են բերման ենթարկել՝ զենք-զինամթերք ունենալու կասկածանքով: ՀՀ քաղաքացիները հավաքվել էին՝ իրենց զայրույթն ու բողոքն արտահայտելու Գյումրիում ընտանիքի սպանության դեպքի առիթով եւ հայտարարել են, որ միանում են գյումրեցիների՝ Պերմյակովին ՀՀ իրավապահներին հանձնելու պահանջին:
Այն հարցին, թե ինչու են բերման ենթարկում քաղաքացիներին, ոստիկանության փոխգնդապետ Կարեն Մովսիսյանը պատասխանել է, որ իրենք տեղեկություն ունեն, թե քաղաքացիները զենք -զինամթերք են կրում:
Հատկանշական է, որ քաղաքացիներին բերման են ենթարկել քաղաքացիական հագուստով անձինք: Ընդ որում Կ. Մովսիսյանը դա չի հերքում եւ բացատրում է «օպերացիայի նպատակահարմարության շահերով»:
Ըստ տեղեկությունների, բերման ենթարկված քաղաքացիների թիվը 20-ի է հասնում: Ինչպես փոխանցում են բողոքի ակցիայի մասնակիցները, նրանց մեծ մասը Հիմնադիր խորհրդարանի անդամներն են:
Նյութը` սկզբնաղբյուր կայքում
