▲ Դեպի վեր

lang.iso lang.iso lang.iso

Գեղարքունիքում հայրը գոմում հայտնաբերել է իր 15-ամյա տղայի կախված դին

Հունիսի 28-ին ողբերգական դեպք է տեղի ունեցել Գեղարքունիքի մարզում:

Ժամը 21:30-ի սահմաններում Մարտունու տարածաշրջանի գյուղերից մեկի բնակիչը ահազանգել է ոստիկանության Մարտունու բաժին և հայտնել, որ գյուղի ծայրամասում գտնվող գոմերից մեկում հակի թելից կախված վիճակում հայտնաբերել է իր որդու դին, հայտնում է shamshyan.com-ը։

Դեպքի վայր ժամանել ոստիկանները գոմում հայտնաբերել են նույն գյուղի բնակիչ, 15-ամյա Շ. Բ.-ի դին:

Դատաբժշկի նախնական եզրակացության համաձայն՝ դիակի վրա բռնության հետքեր չեն հայտնաբերվել, սակայն տեղում քննչական աշխատանքները ղեկավարող քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական:

Կայքի տեղեկություններով՝  ոստիկանությունն ու քննչական բաժինը մի քանի վարկածի ուղղությամբ են աշխատում, այդ թվում՝ ինքնասպանության:

Մահացած երեխան ընտանիքի կրտսեր որդին էր:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Պատահարներ ավելին