Այսօր՝ դեկտեմբերի 23-ին, կրակոցներ են հնչել Երևանում։ Ժամը 18։15-ի սահմաններում ոստիկանության Արաբկիրի բաժին տեղեկություններ են ստացվել, որ Կոմիտասի պողոտայում գտնվող «Երևան սիթի» առևտրի կենտրոնի ավտոկայանատեղիում կրակոցներ են հնչել, հայտնում է Shamshyan.com–ը։
|
Ականատեսները ֆոտոլրագրող Գագիկ Շամշյանին պատմել են հետևյալը. «Ժամը 6-ի կողմն էր, «Երևան սիթի»-ի ստայանկում 4 հոգի իրար հետ վիճաբանում էին, ոնց որ թե՝ ավտոմեքենան կայանելու համար։ Նրանցից մեկը զենքով սկսեց մի քանի կրակոցներ արձակել։ Բարեբախտաբար, մարդ չտուժեց, ու լավ էր, որ Արաբկիրի ոստիկանները շուտ հասան ու դրանց հենց ասֆալտի վրեն փռելով՝ տարան բաժին։ Տաքարյուն երիտասարդներ էին։ Եթե ոստիկանները մի քիչ ուշանային կամ մարդիկ էին վիրավորվելու, կամ դիակներ էին հավաքելու, ու չէր բացառվում, որ էդ կրակոցների արդյունքում անմեղ մարդիկ տուժեին»։ Աղբյուրի տեղեկություններով՝ կրակվել է «Վալտեր» տեսակի ատրճանակից, ու վիճաբանությունը տեղի է ունեցել մոնումենտցիների և գավառցիների միջև, ամեն կողմում՝ 2 հոգի։ Փաստի առթիվ ոստիկանության Արաբկիրի բաժնում նյութեր են նախապատրաստվում։ |
