▲ Դեպի վեր

lang.iso lang.iso lang.iso

Մարտի 1-ի գործը․ գործարարներ Սամվել Մայրապետյանի ու Սիլվա Համբարձումյանի միջև առերեսում է տեղի ունեցել

Գործարարներ Սամվել Մայրապետյանի ու Սիլվա Համբարձումյանի միջեւ առերեսում է տեղի ունեցել։ Այս մասին NEWS.am-ին ասել է Սիլվա Համբարձումյանը։

 

 

 

 

 

 

 

 

 

 

«Սամվելի պատճառով ես էլ եմ հարցաքննվել։ Հարցաքննությունը եղել է Մարտի 1-ի գործի շրջանակում։ Սկզբում իրեն են ստուգել, հետո ինձ են կանչել հարցաքննում։ Մարտի 1-ի օրերին ես փոխանցում եմ արել Սամվել Մայրապետյանին, այդքան բան, ես ապացույցներ եմ ներկայացրել, որ որեւէ կապ չունեմ Մարտի 1-ի գործի հետ։ Թե ինչի համար եմ փոխանցել, չեմ հիշում, 10 տարի է անցել արդեն»,- ասաց Սիլվա Համբարձումյանը։

 

 

 

 

 

 

 

 

Նա նշեց, որ այժմ գումարի փոխանցման վերաբերյալ փաստաթղթերն է հավաքում նախաքննական մարմնին ներկայացնելու համար։ Սիլվա Համբարձումյանը հայտնեց նաեւ, որ այս գործի շրջանակում ինքն ունի վկայի կարգավիճակ։ Գործարարը հերքեց նաեւ մամուլի տեղեկությունները, թե իր ցուցմունքի հիման վրա են ձերբակալել Մայրապետյանին։

Նյութը՝ սկզբնաղբյուր կայքում

Հիշեցնենք, որ գործարար Սամվել Մայրապետյանը ձերբակալվել է հոկտեմբերի 6-ին։ Մինչեւ այս պահը Հատուկ քննչական ծառայությունը չի հայտնում, թե ինչ կասկածանքով է ձերբակալվել խոշոր գործարարը։

Վերահրապարակումների սկզբնաղբյուրը նշվում է. Դրանցում տեղ գտած մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին, որը կհրապարակվի անմիջապես
Հասարակություն ավելին