Քիչ առաջ ՀՀ արտաքին գործերի նախարարության շենքի դիմաց, այս պահին, ԼՂՀ հակամարտության կարգավորման հարցում միջազգային կազմակերպությունների՝ մասնավորապես ԵԱՀԿ Մինսկի խմբի անգործության դեմ բողոքի ակցիա է ընթանում: Մասնակիցները վանկարկում են՝ «Փառք հայոց մայրերին», «Ղարաբաղը մերն է» և այլն: Համանախագահները դուրս եկան ԱԳՆ-ից եւ նախատեսված երթուղով չգնացին, որովհետեւ այնտեղակցիայի բազմաթիվ մասնակիցներ էին՝ ցուցապաստառներով եւ դրոշներով կանգնած: ԵԱՀԿ Մինսկի խմբի համանախագահները հապճեպ նստեցին ավտոմեքենաները եւ փորձեցին արագ հեռանալ՝ դժվարությամբ ճեղքելով բազմությունը: ԱԳՆ շենքից դուրս գալիս ԱՄՆ համանախագահ Ջեյմս Ուորլիքը հանեց իր բջջային հեռախոսը եւ սկսեց լուսանկարել ակցիայի մասնակիցներին: Նշենք, որ աայսօր համանախագահները հանդիպելու են լրատվամիջոցների հետ, դրան զուգահեռ ակցիա է անցկացվելու Մարիոթ հյուրանոցի առջեւ:
