Վարչապետ Նիկոլ Փաշինյանը հունվարի 15-ին ֆեյսբուքյան ուղիղ եթերով, ի թիվս այլ հարցերի, անդրադարձել է փաստաբանի մասնագիտական գործունեությունը խոչընդոտելու երևույթին, նշելով,
-«Մյուս կողմից էլ ես շատ կարևորում եմ, որ մենք իսկապես փաստաբանների շուրջ էդպես նեգատիվ․․․ փաստաբաններին չընկալենք, որպես պոտենցիալ մեղադրյալների անձնական բարեկամներ և մեր կամ հանրության թշնամիներ: Դա ճիշտ ընկալում չէ: Մենք ի՞նչ ենք ուզում, մենք վենդետա չենք ուզում, չէ՛ ժողովուրդ, մենք ուզում ենք արդարադատություն: Իսկ արդարադատության ամենակարևոր, ամենակարևոր պայմանը և նախապայմանը, ոչ միայն անկախ դատական համակարգն է, այլ նաև մեղադրյալի անկախ պաշտպանության իրավունքը, որը պետք է իրականացվի անպայման պաշտպանի միջոցով: Եվ մենք պետք է ապահովենք, հակառակ դեպքում, հակառակ դեպքում․․․ տեսե՛ք մեր երկիրը տարբեր վարկանիշներում, այսօր շարունակում է շարունակական և հետևողական բարձրություններ է նվաճում:
Եթե պարզվի, որ օրինակ՝ Հայաստանի Հանրապետությունում արդարադատությունը իրականացվում է միայն հասարակական կարծիքի հիման վրա կամ մարդիկ ճանապարհները բռնում, փակում են, ասում են՝ էս ինչին բռնե՛ք դատե՛ք, 10 տարի տվե՛ք, թե չէ ճանապարհները չենք բացի: Մեր երկիրը գիտե՞ք միջազգային հանրության աչքում կհայտնվի շատ ծիծաղելի վիճակում, շատ ավելի վատ վիճակում քան ցանկացած բռնապետություն կամ ցանկացած կոռումպացված երկիր»:
Կարդացեք նաև՝ Ասում են՝ վարչապետն ուղղաթիռով տեղ է գնում, բա էշո՞վ պետք է գնար. Նիկոլ Փաշինյանի ուղիղ եթերը
Ես ինքս այդ բռնել, բաց թողնելու պրոցեսների հետ որևէ կապ չունեմ. Նիկոլ Փաշինյան