ԼՂՀ նախագահի մամուլի խոսնակ Դավիթ Բաբայանը ֆեյսբուքյան իր էջում տեղադրել է The Associated Press -ի հետ իր զրույցից մի հատված: Ներկայացնում ենք այն ստորև:

Լեռնային Ղարաբաղի առաջնորդի մամլո խոսնակը լարվածության աճի մեջ մեղադրել է Ադրբեջանին՝ նշելով, որ Ալխանլիի կրակակետերի վրա հարվածները եղել են ստիպված պատասխան Ադրբեջանի կողմից այդ գյուղից Արցախի վրա կատարված զանգվածային հրետակոծությանը:

Փաստն այն է, որ քաղաքացիական անձանց կորուստները ձեռնտու են Ադրբեջանում իշխող ռեժիմին: Ուստի նրանք փորձում են շեղել բնակչության ուշադրությունը ներքին խնդիրներից՝ «թունավորելով» նրան եւ ուռճացնելով «ատելի թշնամու» կերպարը, – ասել է Դավիթ Բաբայանը The Associated Press -ի հետ զրույցում:

Նյու Յորք Թայմս եւ Վաշինգտոն Փոստ թերթեր, 6 հուլիսի 2017 թ.