«Երևանի քաղաքապետի պաշտոնավարման մեկ տարին. ի՞նչ է արվել»,-այս թեմայով էր Մեդիա Կենտրոնում հրավիրված հերթական քննարկումը, որին մասնակցում էր նաև Երևանի ավագանու Իմ Քայլը խմբակցության քարտուղար Հասմիկ Խաչունցը։
«Տրանսպորտի, վերելակների և կանաչապատման հարցերում ոչինչ չի իրականացվել, իսկ աղբահանության դեպքում մրցույթ չի հայտարարվել 2-րդ օպերատորի մուտք գործելու համար, հետևաբար՝ այս խնդրին համակարգային լուծում տրված չէ», -քննարկման ժամանակ նշել է Դավիթ Խաժակյանը՝ Երևանի ավագանու «Լույս» խմբակցության ղեկավարը։
«Խոստում տրված 7 կետերից որևէ մեկը չի իրականացվել, միայն աղբահանության խնդիրն է ժամանակավոր լուծում ստացել», -սա էլ Երևանի ավագանու «Բարգավաճ Հայաստան» խմբակցության քարտուղար Հռիփսիմե Առաքելյանի տեսակետն էր։
Քննարկումն ամբողջությամբ՝ տեսանյութում՝ վերցված Մեդիա Կենտրոնի ֆեյսբուքյան էջից