Asekose.am-ը բազմաթիվ նամակներ է ստանում, որոնք երբեք անպատասխան չեն լինում՝ լինեն դրանք քննադատություններ, թե շնորհակալական խոսքեր, թե օգնության խնդրանքներ:
Նամակներից մեկը բավականին հուզիչ էր. այն մեզ էր հասցեագրել Արմեն Բաբայանը. որոշ ժամանակ առաջ տեղեկացրել էինք, որ նրա 4-ամյա դուստրը տառապում է մանկական ուղեղային կաթվածով, գլխուղեղի աջ կողմում առկա էր ուռուցք:
Ստանալով նամակի բովանդակությունը հրապարակելու մասին Արմեն Բաբայանի համաձայնությունը, ուրախությամբ նշում ենք, որ հրապարակումից հետո հայտնվել են բազմաթիվ մարդիկ, ովքեր օգնել են մեր նամակագրի դստերը: Արմեն Բաբայանի խոսքով` իրենք արդեն 7 ամիս է, ինչ Գերմանիայում են, իսկ երեխան գտնվում է բժիշկների հսկողության տակ և ստանում է համապատասխան բուժօգնություն: Արմեն Բաբայանն իր շնորհակալությունն է հայտնում բոլոր այն մարդկանց, ովքեր այս ողջ ընթացքում աջակցել են իրենց ընտանիքին, ինչպես նաև բոլոր այն կայքերին, ովքեր անդրադարձել են փոքրիկի բուժման խնդրին:
Հիշեցնենք, որ բժիշկները նշել էին, որ վիրահատության դեպքում երեխան կդառնա լիարժեք առողջ: