Օրերս ԱԺ փոխնախագահ Ալեն Սիմոնյանն իր բնակարանում հանդիպում է ունեցել «Հայրենիք» կուսակցության առաջնորդ Արթուր Վանեցյանի հետ:
armlur.am-ն է գրում ու հավելում․ «Ըստ մեր տեղեկությունների՝ հանդիպմանը միացել է ՀՀ վարչապետ Նիկոլ Փաշինյանը. նրանք միասին քննարկել են ՀՀ-ում ստեղծված իրավիճակը: Փորձել են Վանեցյանից պարզել, թե ինչպես է պատկերացնում առաջիկա խորհրդարանական ընտրությունները ու ինչ ֆորմատով: Մենք փորձեցինք տեղեկությունները ճշտել Արթուր Վանեցյանից, որը սակայն հերքեց տեղեկությունը:
Բայց մեր աղբյուրները հաստատում են հանդիպման փաստը:
Հիշեցնենք՝ Փաշինյանն այսօր հանդիպում է ունեցել նաև ԲՀԿ առաջնորդ Գագիկ Ծառուկյանի և ԼՀԿ նախագահ Էդմոն Մարուքյանի հետ։
Խոսվել է Փաշինյանի հրաժարականի հավանականության և խորհրդարանական նոր ընտրությունների անցկացման ձևաչափի մասին»,- գրում է կայքը։
