Իսկ հիմա «անհավանական լուրեր» շարքից:
Մեր հարևան ադրբեջանցիները մեզ մեղադրում են աշխարհում կատարված գրեթե յուրաքանչյուր դեպքի, դժբախտ պատահարի, անգամ բնակլիմայական աղետի մեջ մեր վատ ներդրումն ունենալու և հիմնական պատճառը լինելու համար:
Հերթական վառ օրինակը երկու օր առաջ Փարիզի “Charlie Hebdo” պարբերականի խմբագրության վրա ահաբեկչական հարձակման մեջ «հայկական հետք» տեսնելն է:
Ինչպես հայտնի է, վերը նշված թերթում է աշխատել նաև հայազգի երգիծաբան Մաթյե Մադենյանը (Mathieu Madénian), որն ահաբեկչության օրը միայն բախտի բերմամաբ չի գտնվել խմբագրատանը և կենդանի է մնացել: Հայազգի սյունյակագիրը ողբերգությունից մի քանի ժամ առաջ խմբագրին տեղյակ է պահել, որ անձնական զբաղվածության պատճառով չի կարող ներկա գտնվել ժողովին:
Եվ ահա ադրբեջանական atvxeber.az կայքի «լրագրողների» մոտ մտքի փայլատակում է եղել, և նրանք դուրս են եկել «հայկական» հետքի վրա: Նրանք համարում են, որ Մադենյանը համագործակցել է ահաբեկիչների հետ, նրանց տեղեկություններ մատակարարել, և նրա բացակայությունը դրա վառ ապացույցն է: Իրենց զառանցանքը ավելի հաստատուն դարձնելու համար նրանք հիշատակել են ԱՍԱԼԱ-ի անունը:
Քանի որ մեր ազգի մեջ տաղանդաշատ մարդիկ ամենուր են և հայ ազգի պատիվը բարձր են պահում, և քանի որ ադրբեջանցիները նույնիսկ աստղադիտակով չեն կարողանում գեթ մեկ տաղանդավոր մարդ գտնել, ապա ստիպված աչքը գցում են ուրիշի ունեցածի վրա, փնովում, ցեխ շպրտում մարդկանց հաջողությունների և ձեռքբերումների վրա:
Հ. Գ.
Զարմանալի է, ինչպես նրանք մեզ չեն մեղադրել Տիտանիկը ծակելու, խորտակելու մեջ. երևի գլխի չեն ընկել, պետք է անպայման հուշել:
