Ադրբեջանի արտաքին գործերի նախարարության մամուլի քարտուղար Լեյլա Աբդուլլաևան խոսել է Հայաստանի ազգային հավաքականի և Լոնդոնի «Արսենալ»-ի ավագ Հենրիխ Մխիթարյանի՝ Բաքվում կայանալիք Եվրոպայի լիգայի եզրափակչին մասնակցելու մասին։
«Ադրբեջանում մեծ սպորտային իրադարձություններ են տեղի ունեցել, որոնց մասնակցել են հայ մարզիկներ: Սպորտը և քաղաքականությունը բաժանված են միմյանցից»,- նշել է Աբդուլաևան։
Հիշեցնենք, որ մինչ այս Մխիթարյանն արդեն երկու անգամ չի մասնակցել ադրբեջանական թիմերի հետ Եվրագավաթի խաղերին։
Ադրբեջանի ֆուտբոլային ֆեդերացիայի ասոցիացիան հաստատել է, որ Հենրիխ Մխիթարյանը խնդիր չի ունենա Ադրբեջան մուտք գործելու և այդ երկրում մնալու հարցում, կկիրառվեն անվտանգության բոլոր անհրաժեշտ միջոցները։
Եվրոպայի լիգայի եզրափակիչը տեղի է ունենալու մայիսի 29–ին։