Այսօր լրագրողների հետ ճեպազրույցում Հայաստանի արտաքին գործերի նախարարության մամուլի խոսնակ Աննա Նաղդալյանն ասաց, որ եթե Ադրբեջանի ԵԱՏՄ անդամակցության հարցը դրվի օրակարգ, Հայաստանն իր անդամակցությունից բխող ողջ գործիքակազմով կձեռնարկի համապատասխան քայլեր:
Անդրադառնալով հոկտեմբերի 23-ին «Եվրասիական շաբաթ» համաժողովի ընթացքում Վլադիմիր Պուտինի խորհրդական Սերգեյ Գլազևի հայտարարությանը Ադրբեջանի՝ ԵԱՏՄ-ին անդամակցության շուրջ, Նաղդալյանը նշեց, որ ԵԱՏՄ կոլեգիայի ներկայացուցիչն այս մասով արդեն հայտարարություն է արել է և ասել, որ նման հարց օրակարգում չկա:
«ԵԱՏՄ հիմնադիր փաստաթղթերում հստակորեն նշված է, որ անդամ կարող է դառնալ այն պետությունը, որը որևէ գործողություն չի արել ի վնաս կառույցի և անդամ պետություններից որևէ մեկի»,-հավելեց նա:
