shamshyan.com-ը գրում է. Այսօր` հոկտեմբերի 21-ին, ոստիկանության Արաբկիրի բաժնի աշխատակիցները ձեռնարկելով օպերատիվ-հետախուզական գործողություններ, ոստիկանության Արաբկիրի բաժին են բերման ենթարկել Տավուշի մարզի Նորաշեն գյուղի բնակիչ, 34-ամյա Բակուր Սամվելի Փայտյանին:
Ինչպես հայտնում է ֆոտոլրագրող Գագիկ Շամշյանը, վերջինս կասկածվում է այսօր Երևանում Ղարաբաղ կոմիտեի նախկին անդամ Սամսոն Ղազարյանին ծեծի ենթարկելու մեջ:
Գ. Շամշյանի տեղեկություններով` Բ. Փայտյանը աշխատում է «Սյուն Էներգո Շին» վարչությունում` որպես վարորդ, իսկ փաստացի բնակվում է Երևանի Ավան-Առինջ թաղամասում:
Ոստիկանությունը հայտնաբերել է նաև Բ. Փայտյանի ավտոմեքենան, որով նա հեռացել էր, երբ ծեծի էր ենթարկել Ս. Ղազարյանին:
Մանրամասներն՝ սկզբնաղբյուր կայքում
