Արդեն տեղեկացրել ենք, որ անցած գիշեր Էջմիածնում սպանություն է տեղի ունեցել։ Նախնական տեղեկություններով՝ սպանվածը քրեական հեղինակություն «Դոն Պիպոյի» (Արթուր Ասատրյան) թիկնապահներից 29-ամյա Ռազմիկ Սողոյանն էր,  նա Արմավիրի մարզի Արաքս գյուղի բնակիչ էր։

Արաքս գյուղի համայնքապետ Վարդան Գրիգորյանը Hraparak.am-ի  հետ զրույցում փոխանցել է , որ իրենք սպանության հանգամանքների մասին չգիտեն, միայն այն, որ սպանությունը տեղի է ունեցել Էջմիածին քաղաքում․ «Նա շատ լավ երիտասարդ էր, սպորտսմեն էր, հետախույզ է եղել պատերազմում։ Բոլորիս համար շոկ էր, այսքան ժամանակ չենք լսել, որ ինչ-որ մեկը Ռազմիկի հետ կոնֆլիկտ կամ վեճ է ունեցել։ Բոլորս էլ զարմացած ենք, մենք մտածում ենք, որ դա ընդամենը թյուրիմացություն է, պատահական է հայտնվել այնտեղ»։