Բլոգեր Արթուր Չախոյանը ֆեյսբուքյան իր էջում տեսանյութ է հրապարակել՝ կից գրառմամբ․ «Եռաբլուրը ձեզ համար տեռասային նստարաններ չեն»։

Մալաթիա-Սեբաստիա վարչական շրջանի ղեկավար Ռոմիկ Մխիթարյանը հայտնել էր, որ դեկտեմբերին ավարտվել են Եռաբլուրի ճանապարհի կառուցման աշխատանքները։

«Եռաբլուրի ճանապարհը քանդվել է։ Մեծ ցավ եմ ապրում, որ բարեկարգման աշխատանքներն այսպես են կատարվում»,- տեսանյութում նշում է Չախոյանը։

***

Բլոգեր Արամ Գևորգյանն էլ ֆեյսբուքյան իր էջում գրել է. «Իրականում Եռաբլուրի ճանապարհը շատ փնթի են «վերանորոգել», ինչպես սրանց օրոք «կառուցվող» ամեն բան։ Անզեն աչքով էլ երևում էր։ Դեկտեմբերից սկսել, շփ-թփ արել, ու տենց թողել։ Թաղապետը դեռ դեկտեմբերի վերջ էր ասում՝ ավարտել ենք, լույսերն էլ էս 2 օրը կդնենք ու վերջ։ 3 օր առաջ եմ եղել, այդ լույսերը չկային...
Տեսանյութում էլ ասում ա՝ ես այստեղ եղբայր ունեմ, Սպարապետ ունեմ, հեռու մնացեք ինձնից, ես լավ գիտեմ ոնց պիտի գործ անեմ... 120 մետր ճանապարհ ա եղածը. հեսա 3 ամիս կլինի չեք կարողանում նորմալ, արժանապատիվ բարեկարգեք։ Ցուրտը, ավազն ու աղը, օրինակ, ի՞նչ կապ ունեն ճանապարհի լուսավորության անցկացման հետ, մանավանդ, որ սյուները դրված են։ «Բարեկարգած» ճանապարհն ավարտվում ա, մի հատ ընկնում ես փոսը, հետո դուրս գալիս ասֆալտի վրա։ Էտ սահուն անցումը կազմակերպելը ի՞նչ կապ ունի աղի ու ավազի հետ։ Լավ ա էտ աղն ու ավազն էլ կային, թե չէ ձեր բառադի արված գործերն ինչո՞վ էիք արդարացնելու։
Հա, ու եկեք հաջորդ անգամ Եռաբլուրում հանգչողների հիշատակը մի շահարկեք այտեղ արվող աշխատանքների լավ ու վատ որակի լինելու հետ։ ԱՆԿԱԽ ՀԱՆԳԱՄԱՆՔՆԵՐԻՑ ԴՈՒՔ ՊԱՐՏԱՎՈՐ ԵՔ ԱՅԴՏԵՂ ԱՄԵՆԱԼԱՎ ԳՈՐԾՆ ԱՆԵԼ, ԱՄԵՆԱԼԱՎ ՆՅՈՒԹԵՐՈՎ ՈՒ ԲԱՐՁՐ ՈՐԱԿՈՎ։ Բայց ունենք իրականություն, որտեղ հիշատակում եք Եռաբլուրում Սպարապետ, եղբայր ունենալու փաստը, բայց փաստացի 3 ամիս է այդ ճանպարհը ողբալի վիճակում է»։