Հակառակորդն արդեն այնքան է լկտիացել, որ բացահայտ հարձակում է գործում Տավուշի վրա:Տավուշի մարզը ՀՀ անբաժանելի մաս է և բոլոր միջազգային պայմանագրերով դա արդեն բացահայտ ագրեսիա է Հայաստանի Հանրապետության նկատմամբ, որի սահմանները ճանաչված է ՄԱԿ-ի կողմից:
Հայաստանը հանդիսանում է Հավաքական անվտանգության պայմանագրի կազմակերպության անդամ պետություն /ОДКБ/ և այս կառույցը պարտավոր է գնահատական տալ կատարվածին կամ արձագանքել,ինչպես նախատեսված է պայմանագրով:
Ցավակցում եմ այս առավոտ զոհված մեր հերոս զինվորների ընտանիքներին և հարազատներին:
Հիշեցնենք, որ այսօր առավոտյան ժամը 9:00-ի սահմաններում ադրբեջանական բանակի հատուկ նշանակության ստորաբաժանումները հարձակում են իրականցրել նաև Տավուշի մարզի Բերդի տարածաշրջանի մարտական դիրքերից մի քանիսի ուղղությամբ: Հայկական բանակի համապատասխան ստորաբաժանումների կողմից ժամանակին հայտնաբերվելով մարտի է սկսվել, որը տևել է շուրջ կես ժամ: Հակառակորդը կորուստներ կրելով և մարտական խնդիրը չկատարելով հետ է շպրտվել, սակայն ցավոք հայկական կողմը ունի երկու զոհ և վիրավորներ: Զոհվել են լեյտենանտ Կարեն Արարատի Գալստյանը և շարքային Արտակ Վաղարշակի Սարգսյանը:
