Լույս է տեսել Սյունիքի մարզի պատմական հուշարձանների երկլեզու՝ հայերեն, անգլերեն քարտեզ-ուղեցույցը:
«Նշված է մոտ 200 կարևոր հուշարձան: Համառոտ ներկայացված է անունը, տեղը, դարը: Աշխատել ենք, որ գոնե հիմնական էջի վրա նկարները տարբեր լինեն: Օրինակ Տաթև գյուղի ձորում մի աղբյուր կա՝ վիշապի գլխի տեսքով: Այն 19-րդ դարի աղբյուր է: Գիտենք, որ վիշապը ջրի պահապանն ու հովանավորն է: Անցել են տարիներ ու նման աղբյուրներ կան: Այսինքն, հայ ժողովուրդը հազարամյակից հազարամյակ, ավանդաբար ջուրը վիշապին է վստահել»,-լրագրողների հետ հանդիպման ժամանակ ասաց Հայկական ճարտարապետությունն ուսումնասիրող հիմնադրամի ղեկավար, հուշարձանագետ Սամվել Կարապետյանը:
