Հայաստանի քաղաքացին Եռագույնը կարող է ծածանել հանրային ցանկացած վայրում: Եթե մարդը ծածանում է պետական դրոշը, դա միայն խոսում է նրա քաղաքացիական ինքնագիտակցության մասին:
Ի դեպ, այսօր ազգային հերոս Մովսես Գորգիսյանի նահատակության օրն է, մի մարդ, ով խորհրդային ամբողջատիրության օրոք, Ազատության հրապարակում առաջինը ծածանեց Եռագույնը:
Հիշեցնենք, որ Երևանի կենտրոնում անվտանգության աշխատակիցներն արգելել են ազատամարտիկ, Տիգրան Մեծ բարեգործական կազմակերպության նախագահ Սրապիոն Գևորգյանին լուսանկարվել Կասկադում` եռագույն դրոշով` պատճառաբանելով, թե տարածքը մասնավոր է...
Ավելի ուշ Գաֆէսճեան արվեստի կենտրոնի փոխտնօրենի համադրող-օգնական Արմեն Եսայանցն անդրադառնալով միջադեպին` գրել է, որ Կասկադում ոչ թե ցանկացել են եռագույնով լուսանկարվել, այլ վավերագրական ֆիլմ նկարել:
