«Քաղաքացու իրավունքների պաշտպան» ՀԿ նախագահ Կարեն Հեքիմյանը ֆեյսբուքյան իր էջում գրել է.

«Ո՞վ չգիտի, որ Sela ապրանքանիշն իսրայելական է: Համոզված եմ, որ դա գիտեն նաև Sela հագուստի խանութի աշխատողները: Գիտեն, սակայն կտրականապես հերքում են: Ինչ ասես, որ չեն մոգոնում: Սակայն, հերքման հիմնական պնդումն այն է, որ ապրանքանիշն իբր ռուսական ինչ-որ ընկերություն է գնել և, հետևաբար այն արդեն իսրայելական չէ՝ ռուսական է:
Ինչո՞ւ են Sela-ի աշխատակիցները խուսափում իրերն իրենց անուններով կոչելուց: Ավելին՝ ինչո՞ւ են իսրայելական ապրանքանիշը հենց ռուսական անվանում, այլ ոչ ամերիկյան, բրիտանական, ֆրանսիական, գերմանական կամ գոնե լեհական:
Խնդիրը խորքային է: Հայերը հրեաներին չեն սիրում: Չեմ հասկանում՝ ինչու, սակայն չեն սիրում: Ողջամիտ բացատրություն չեմ լսել: Մեկն ասում է, որ Իսրայելն Ադրբեջանին զենք է վաճառում՝ «մոռանալով», որ Ռուսաստանը նույն Ադրբեջանին մի քանի անգամ ավելի է զենք մատակարարում: Մյուսներն ասում են, որ Իսրայելը Թուրքիային ժամանակակից տեխնոլոգիաներ է վաճառում՝ «մոռանալով», որ Ռուսաստանը Թուրքիային գերժամանակակից զենք է տրամադրում: Մարդ էլ կա, ոչինչ չի ասում: Չի սիրում հրեաներին և վերջ: Առանց հիմնավորման: Չի սիրում»:
Ահա այսպիսի լուռ կոնսենսուս կա հայ հասարակության մեջ հրաների և, հետևաբար, Իսրայելի հանդեպ: Թերևս դրանով է պայմանավորված Sela-ի աշխատակիցների պնդումն առ այն, որ Sela-ն իբր ռուսական ապրանքանիշ է:
Ի՞նչ ասեմ: Հայերը նախընտրում են փաստացի իրենց վրա կրակող թուրքերի LC Waikiki Armenia-ից հագուստ գնել և անմոռաց ռուսներին սիրել:
Իսկ Sela-ի աշխատակիցներին հասկանում եմ: Ստիպված են իսրայելական ապրանքանիշը ռուսականացնել: Հայերը գժվում են ռուսների համար:
Ի դեպ, որպեսզի առևտուրն աճի, բոլորն էլ կարող են այդպես վարվել: Adidas-ը, Levi's-ը, Bershka-ն, Nike-ը, Dolce & Gabbana-ն, Laura Biagiotti-ն, Estée Lauder-ը նույնպես կարելի է որպես ռուսական ընկերություններ ներկայացնել: Ավելին, այսպես շարունակվելու դեպքում, անգամ Mersedes-ն ու BMW-ն են ռուսականացվելու»: