Այսօր Սիրիայի Հոմս քաղաքում երկու հզոր պայթյուն է տեղի ունեցել, որոնց պատասխանատվությունն իր վրա է վերցրել «Իսլամական պետություն» խմբավորումը՝ հայտնելով 30 զոհի մասին:
Ինչպես հաղորդում է Reuters գործակալությունը` առաջին պայթյունը տեղի է ունեցել այն ժամանակ, երբ ականապատ մեքենա են գործի դրել սահմանային անցակետի մոտ: Իսկ ըստ տեղի հեռուստատեսության` դրանից հետո մահապարտ-ահաբեկիչը պայթեցրել է իր գոտին: Տեղեկացնենք, որ կան 100 վիրավորներ, որոնցից 17-ը դեռևս գտնվում են հիվանդանոցում:
