▲ Դեպի վեր

lang.iso lang.iso lang.iso

Իրանը ողջունեց Թուրքիայի՝ Հայաստանին միանալու որոշումը

Հայաստանում գործող տարածաշրջանային աստղագիտական կենտրոնին այսօր՝ նոյեմբերի 17-ին պաշտոնապես միացավ նաև Թուրքիան: Պայմանագիրը ստորագրելու նպատակով մեր երկիր էր ժամանել աստղագետ, Ստամբուլի համալսարանի դոցենտ, Ստամբուլի աստղագիտական ընկերության ներկայացուցիչ Սինան Ալիշը, ով իր խոսքում նշեց, որ մարդկային հարաբերություններն ու գիտությունը վեր են քաղաքականությունից:

-Գիտնականը կարող է դառնալ խաղաղության ռահվիրան: Շատ ուրախ եմ կատարվածի համար,-ողջունելով Թուրքիայի որոշումը՝ ասաց իրանցի աստղագետ Մուհամեդ Բաղերին:

Հայաստանը Միջազգային աստղագիտական միության (ՄԱՄ) կողմից 2015թ.-ին ճանաչվել է տարածաշրջանային աստղագիտական կենտրոն, որի գրասենյակը գտնվում է ՀՀ ԳԱԱ Վիկտոր Համբարձումյանի անվան Բյուրականի աստղադիտարանում։ Համագործակցությունն իրականացվում է ՄԱՄ-ի 2010-2020 թթ. ռազմավարական ծրագրի «Աստղագիտությունը զարգացման համար» (ԱԶԳ) նախագծի շրջանակներում, ըստ որի աստղագիտության զարգացումն աշխարհում համակարգվում է տարածաշրջաններում ստեղծված համապատասխան կենտրոնների կողմից։ Ներկայումս գործում են նման 9 կենտրոններ։ Փոխգործակցությունն աջակցում է անդամ երկրների գիտության զարգացմանը։ Հայաստանում գործող կենտրոնի պաշտոնական անդամներն են Իրանը, Վրաստանը, Ղազախստանը, Տաջիկստանը։ Վերջիններիս միանալը զգալիորեն ընդարձակում է գործունեությունը դեպի Կենտրոնական Ասիա, այդ պատճառով էլ նախապես «Հարավարեւմտյան տարածաշրջանային կենտրոնը» վերանվանվեց «Հարավարեւմտյան եւ Կենտրոնական Ասիայի աստղագիտական կենտրոն»։

Անի Կարապետյան

Կայքում տեղ գտած մտքերն ու սկզբնաղբյուրներից վերահրապարակված նյութերը կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Քաղաքականություն ավելին