Արդեն տեղեկացրել ենք, որ Ջերմուկի զորամասից երեկ երկու զինվոր են կորել և, ըստ նախնական վարկածի, նրանք ձնաբքի տակ են մնացել: Կորած զինվորներից մեկի՝ Կարեն Պետրոսյանի որդին՝ Արմեն Պետրոսյանը, մեկ տարի առաջ ջրանցքն ընկած մարդու կյանք էր փրկել եւ խիզախության համար մեդալ էր ստացել:
Այս մասին հայտնում է Armlur.am-ը։
Անցած տարի Արմավիրի մարզի Արգինա համայնքի 10-ամյա բնակիչ Արմեն Պետրոսյանն է, ով այս տարիքում առանձնացել է մարդասիրական բացառիկ որակներով և խիզախությամբ. նա փրկել է Ախուրյանի Ջրամբարից սնվող Թալինի մայր ջրանցքում հայտնված քաղաքացու կյանքը:
Այս մասին սոցցանցի իր էջում գրել էր Արմավիրի մարզպետ Համբարձում Մաթևոսյանը:
Նա, մասնավորապես, նշել էր.
«Դրսևորած վճռականության, անձնուրաց և անգնահատելի սխրանքի համար Արմենն այսօր իմ կողմից պարգևատրվել է պատվոգրով: Նրան «Քաջ սիրտ» համառուսական պետական-հասարակական նախաձեռնության շրջանակում շնորհվել է նաև խիզախության մեդալ և դիպլոմ»:
