Մայրաքաղաքի Արաբկիր վարչական շրջանի համատիրությունների ուժերով ընթանում են վարչական շրջանի թեք տանիքներ ունեցող բազմաբնակարան շենքերի ջրթափ խողովակների փոխարինման աշխատանքները: Դրանց ցանկը որոշվել է նախնական գույքագրմամբ:
Գործընթացում ներառվել են այն շենքերը, որոնց ջրթափ խողովակները մաշվել էին և այլևս չէին ծառայում նպատակին:
Հաշվի են առնվել նաև թեժ գծի հեռախոսահամարներով բնակիչներից ստացած ահազանգերը: Աշխատանքները կրում են ընթացիկ բնույթ և կշարունակվեն ըստ անհրաժեշտության:
Երևանի քաղաքապետարանի տեղեկատվության
և հասարակայնության հետ կապերի վարչություն
