Yerkir.am-ի տեսանյութում.
52-ամյա ազատամարտիկ Սարգիս Համբարձումյանը Շուշիի շրջանի Քարին տակ գյուղից է: 24 տարի առաջ Սարգիսը գյուղի ավտոբուսի վարորդն էր, հիշում է, թե ինչպես էին ադրբեջանցիները Շուշիից գնդակոծում գյուղը: Ասում է` Քարին տակը հերոս գյուղ է` մինչև վերջ չհանձնվեց:
«Մի քանի անգամ թուրքերը հարձակվել են, որ բնաջնջեն գյուղը, չի ստացվել: Մենք երդվել էինք մեր գյուղը մինչև վերջ պահել ու դուրս չգալ գյուղից: Ճիշտ է, շատ զոհ տվեցինք, բայց մեր գյուղը պահեցինք»,- մեզ հետ զրույցում ասաց Սարգիսն ու պատմեց Շուշիի ազատագրման օպերացիայի մասին:
