1in.am-ը գրում է. ԵԽԽՎ ձմեռային նստաշրջանում ավարտվեցին հակահայկական երկու բանաձևերի քննարկումները, ինչի արդյունքում մերժվեց բրիտանացի պատգամավոր Ռոբերտ Ուոլթերի՝ Լեռնային Ղարաբաղի վերաբերյալ զեկույցը, սակայն ընդունվեց սերբ պատգամավոր Մարկովիչի զեկույցը՝ Սարսանգի ջրամբարի վերաբերյալ:
Ազգային ժողովի ՀՀԿ խմբակցության ղեկավար Վահրամ Բաղդասարյանը գնահատելով այս արդյունքները՝ ասաց. «Մենք, որպես քաղաքական մոտեցում, այդքան լուրջ չէինք վերաբերվում և պետք էլ չէր այդպես վերաբերվել, որովհետև մեզ համար ավելի կարևոր էր ԵԱՀԿ Մինսկի խմբի վերաբերմունքը և նրանց հայտարարությունը, սակայն կար բարոյական խնդիր»:
Նրա խոսքով՝ քվեարկության ելքը պարզ էր, իսկ ելույթները՝ անձնավորված:
Վահրամ Բաղդասարյանը կարծում է, որ Սարսանգի ջրամբարի հետ կապված ելույթներում կար լուրջ անձնական շահերի հետապնդում, որի մասին իմացան նաև ԵԽԽՎ պատգամավորները:
«Ես շատ կարևորում եմ ԵԽԽՎ-ի հեղինակությունը, որ նման հեղինակավոր կառույցը մտնի այդպիսի վաշխառուական գործընթացների մեջ և ստվեր գցի խաղաղ բանակցային փուլի վրա»,- ասաց նա՝ հավելելով, որ ցանկալի չէր, որ այդ կարևորագույն ամբիոնից քննադատական խոսքեր հնչեցին Մինսկի խմբի հայտարարության հասցեին:
Մանրամասները` սկզբնաղբյուր կայքում և տեսանյութում
