Լուսավոր Հայաստան Կուսակցության տարածքային ստորաբաժանումների՝ մարզային և համայնքային խորհուրդների ձևավորումը մեկնարկեց Լոռու մարզից։

2016 թվականի հունվարի 9-ին Վանաձոր քաղաքում գումարվեց Լոռու մարզային խորհրդի ձևավորման Հիմնադիր ժողովը, որին մասնակցել են 40 պատվիրակ Վանաձոր, Սպիտակ Ալավերդի քաղաքներից և Մեծ Այրում, Արջուտ, Գուգարք, Ճոճկան համայնքներից։ Հիմնադիր ժողովն ընտրեց Լոռու մարզային Խորհրդի 13 անդամ և Վերահսկիչ հանձնաժողովի մեկ անդամ։ Լոռու Մարզային Խորհրդի նախագահ ընտրվեց Լուսավոր Հայաստան կուսակցության Խորհրդի անդամ Հայկազ Սիմիկյանը։
Լուսավոր Հայաստան Կուսակցությունը շարունակելու է տարածքային ստորաբաժանումների ձևավորումը ՀՀ բոլոր մարզերում։

Լուսավոր Հայաստան