1in.am-ի տեսանյութում 2018թ. բյուջեի նախագծի խորհրդարանական քննարկման ժամանակ «Ելք» խմբակցության պատգամավոր Նիկոլ Փաշինյանը հայտարարեց, որ թեև արդեն քանի տարի է՝ հայտարարում ենք, որ սրտի ստենտավորումը կատարվում է պետության հաշվին, սակայն պրակտիկայում խնդիրներ են ծագում:
«Եթե մի քիչ գրոտեսկի վերածենք, ասենք՝ մարդը գնում է հիվանդանոց, ասում են՝ քեզ դեռ ինֆարկտ չի խփել, մի կես ժամից նոր կխփի, գնա, երբ որ կխփի, էն ժամանակ կգաս»,- ասաց պատգամավորը՝ առողջապահության նախարարից հետաքրքրվելով, թե ինչ են մտադիր փոխել այս ոլորտում: