Երևանի քաղաքապետ Տարոն Մարգարյանի նախաձեռնությամբ ՀՀ մարզերի և ԼՂՀ-ի միջև ձևավորված համագործակցության համատեքստում Շենգավիթ վարչական շրջանի ղեկավար Արմեն Սարգսյանի հրավերով Երևան էին այցելել Մարտակերտի շրջանի վարչակազմի աշխատակազմի ղեկավար Սասուն Հարությունյանը և Մարտակերտի համար 1 մանկապարտեզի տնօրենի տեղակալ Ալլա Բեջանյանը:
Շենգավիթ վարչական շրջանի ղեկավարի տեղակալ Հովհաննես Ղալեչյանի և աշխատակազմի ներկայացուցիչների հետ աշխատանքային հանդիպման ընթացքում քննարկվել են երկուստեք հետաքրքրություն ներկայացնող ծրագրեր`փոխայցելությունների, փորձի փոխանակման, կառավարման, կրթամշակութային, առողջապահական, մարզական, սոցիալական և այլ ոլորտների վերաբերյալ: Այնուհետև հյուրերն այցելել են շրջանի հ. 126 մանկապարտեզ, երեխաներին գրենական պիտույքներ նվիրել, զրուցել մանկավարժների հետ, ծանոթացել նախակրթարանի առօրյային:
Երևանի քաղաքապետարանի տեղեկատվության
և հասարակայնության հետ կապերի վարչություն
